Բունդեսլիգայի անցումային խաղ. «Համբուրգը» խուսափեց պարտությունից

Գերմանական Բունդեսլիգայի անցումային առաջին խաղում «Համբուրգը» ոչ ոքիով բաժանվեց «Կարլսրուեի» հետ: Համբուրգում գրանցվեց 1:1 հաշիվը:

Երկրորդ Բունդեսլիգայում երրորդ տեղը գրաված «Կարլսրուեն» հաշիվը բացեց չորրորդ րոպեին, սակայն տանտերերը վերջնամասում փրկեցին խաղը: Պատասխան հանդիպումը կկայանա հունիսի 1-ին «Կարլսրուեի» խաղադաշտում:

Հիշեցնենք, որ «Համբուրգը» միակ ակումբն է, որը երբեք դուրս չի մնացել Բունդեսլիգայից: Այս մրցաշրջանում Բունդեսլիգան լքել էին «Պադերբորնը» եւ «Ֆրայբուրգը», իսկ «Ինգոլշտադտը» եւ «Դարմշտադտը» նվաճել էին ուժեղագույնների լիգայի ուղեգիր: «Համբուրգը» նախորդ տարի եւս Բունդեսլիգայում տեղը պահպանել էր անցումային խաղերից հետո:

Բունդեսլիգայի առաջին անցումային խաղ

«Համբուրգ» - «Կարլսրուե»՝ 1:1

Իվո Իլիչեւիչ, 73 – Ռուեն Հենինգս, 4

Հետևեք NEWS.am SPORT-ին Facebook-ում, Twitter և Telegram-ում