Ուկրաինական «Դնեպրի» հարձակվող Մատեուս Լեյտեն քթի կոտրվածք է ստացել իսպանական «Սեւիլիայի» դեմ ֆուտբոլի Եվրոպայի լիգայի եզրափակիչ խաղում:
Վարշավայում կայացած հանդիպման վերջնամասում 32-ամյա բրազիլացին օդային պայքարում բախվել է մրցակցի ֆուտբոլիստի հետ՝ կորցնելով գիտակցությունը: Մատեուսն անմիջապես տեղափոխվել է հիվանդանոց, որտեղ նրա մոտ ախտորոշվել է նաեւ ուղեղի ցնցում, փոխանցում է «Դնեպրի» կայքը:
Հիշեցնենք, որ «Սեւիլիան» առավելության էր հասել 3:2 հաշվով՝ դառնալով առաջին թիմը, որը ռեկորդային չորրորդ անգամ հաղթեց Եվրոպայի երկրորդ ամենահեղինակավոր ակումբային մրցաշարում:
Հետևեք NEWS.am SPORT-ին Facebook-ում, Twitter և Telegram-ում