Պեպ Գվարդիոլան ոչ մի մանրուք ուշադրությունից բաց չի թողնում եւ հասնում է խնդիրների լուծման, ասել է «Բարսելոնայի» կիսապաշտպան Անդրես Ինյեստան Չեմպիոնների լիգայի կիսաեզրափակիչի առաջին հանդիպումից առաջ։
Կատալոնական թիմի մրցակիցը Գերմանիայի չեմպիոն Մյունխենի «Բավարիան» է, որը գլխավորում է «Բարսելոնայի» նախկին մարզիչ Խոսեպ Գվարդիոլան։
«Յուրաքանչյուր մարզիչ ունի գաղափարները խաղացողներին հասցնելու իր առանձնահատկությունները, մեթոդներն ու ձեւ։ Ասում եմ Գվարդիոլայի հետ աշխատանքիս փորձից։ Նա ոչ մի մանրուք բաց չի թողնում։ Միշտ մտածում է իր թիմի խաղը կատարելագործելու մասին։ Պեպն առաջարկում է բազմաթիվ լուծումներ, որոնք գրեթե միշտ աշխատում են»,- Ինյեստայի խոսքը մեջբերում է ՈւԵՖԱ-ի կայքը։
Մայիսի 6-ին կայանալիք «Բարսելոնա» - «Բավարիա» հանդիպումը կմեկնարկի Երեւանի ժամանակով 22։45-ին։
Հետևեք NEWS.am SPORT-ին Facebook-ում, Twitter և Telegram-ում