Թուրինի «Յուվենտուսը» չորրորդ տարին անընդմեջ հռչակվեց ֆուտբոլի Իտալիայի չեմպիոն: A Սերիայի 34-րդ տուրում թուրինցիները նվազագույն հաշվով արտագնա հաղթանակ տարան «Սամպդորիայի» նկատմամբ եւ առաջնության ավարտից 4 տուր առաջ անհասանելի դարձան երկրորդ տեղում գտնվող «Լացիոյի» համար՝ մեկ խաղ պակաս անցկացրած հռոմեական ակումբից առաջ անցնելով 17 միավոր: Հյուրերի չեմպիոնական գոլն առաջին խաղակեսում խփեց չիլիացի կիսապաշտպան Արտուրո Վիդալը:
«Յուվենտուսը» ռեկորդային 31-րդ անգամ դարձավ Իտալիայի չեմպիոն:
Հիշեցնենք, որ մայիսի 5-ին Մասիմիլիանո Ալեգրիի թիմը Չեմպիոնների լիգայի կիսաեզրափակիչի առաջին խաղ է անցկացնելու Մադրիդի «Ռեալի» հետ:
Իտալիայի առաջնություն, 34-րդ տուր
«Սամպդորիա» - «Յուվենտուս»՝ 0:1
Արտուրո Վիդալ, 32
«Սասուոլո» - «Պալերմո»՝ 0:0
Հետևեք NEWS.am SPORT-ին Facebook-ում, Twitter և Telegram-ում