Շախմատի Հայաստանի հավաքականի առաջատար Լեւոն Արոնյանը լավագույնն էր Ծաղկաձորում ավարտված աշխարհի թիմային առաջնության առաջին համարների միջեւ:
Արոնյանը 9 հնարավորից վաստակել է 6 միավոր: Այդ ցուցանիշով երկրորդը չինացի Լիրեն Դին է, ով 9 պարտիաներում հավաքել է 5.5 միավոր:
Լիլիթ Մկրտչյանն իր հերթին լավագույնն է ճանաչվել Չինաստանի Չենդու քաղաքում անցկացված կանանց աշխարհի թիմային առաջնությունում: Երկրորդ խաղատախտակի վրա Մկրտչյանն 9 հնարավորից վաստակել է 6.5 միավոր:
Հիշեցնենք, որ Ծաղկաձորում առաջին անգամ աշխարհի չեմպիոն էին դարձել չինացիները, իսկ Հայաստանի հավաքականը դարձել էր բրոնզե մեդալակիր: Կանանց Հայաստանի հավաքականը Չենդուում գրավել էր 7-րդ տեղը:
Ֆոտո՝ tsaghkadzor2015.fide.com
Հետևեք NEWS.am SPORT-ին Facebook-ում, Twitter և Telegram-ում