Չեռնոգորիա – Ռուսաստան Եվրո-2016-ի ընտրական խաղի ժամանակ տրիբունայից ծխագլանով ռուս դարպասապահ Իգոր Ակինֆեեւի գլխին հարվածած Լուկա Լազարեւիչը դատապարտվել է 3.5 ամսվա ազատազրկման: Բացի այդ, չեռնոգորիացի ֆանատը կվճարի 750 եվրո տուգանք, հաղորդում է vijesti.me-ն:
Հիշեցնենք, որ Չեռնոգորիայի մայրաքաղաք Պոդգորիցայում անցկացված եւ անավարտ մնացած խաղում տանտերերին գրանցվել էր տեխնիկական պարտություն: Հանդիպման սկզբնամասում Ակինֆեեւը խաղադաշտից դուրս էր բերվել պատգարակով եւ տեղափոխվել էր հիվանդանոց, բայց խուսափել էր լուրջ վնասվածքներից:
Հետևեք NEWS.am SPORT-ին Facebook-ում, Twitter և Telegram-ում