Չինաստանի Չենդու քաղաքում ավարտին մոտեցող շախմատի կանանց աշխարհի առաջնության նախավերջին տուրում Հայաստանի հավաքականը մրցեց վրացիների հետ եւ պարտվեց 1:3 հաշվով: Հայաստանի հավաքականին միակ հաղթական միավորը բերեց երկրորդ համար Լիլիթ Մկրտչյանը: Էլինա Դանիելյանը, Լիլիթ Գալոյանն ու Մարիա Կուրսովան պարտություն կրեցին: Հայաստանի հավաքականը թիմային 7 միավորով 7-րդ տեղում է: Վրաստանի հավաքականը 15 միավորով առաջին տեղում է: Երկու միավոր քիչ ունի Ռուսաստանը, որը 2.5:1.5 հաշվով առավելության հասավ Ուկրաինայի նկատմամբ:
Չինաստանի հավաքականը 3.5:0.5 հաշվով պարտության մատնեց ամերիկացիներին եւ 11 միավորով երրորդ տեղում է: Հնդկաստանի թիմը 2.5:1.5 հաշվով հաղթեց լեհերին եւ վաստակեց 8 միավոր:
Վերջին տուրում Հայաստանի մրցակիցը կլինի Հնդկաստանի թիմը: Վրացիները կմրցեն Չինաստանի, ռուսները՝ ամերիկացիների հետ: Մյուս զույգերում կմրցեն Եգիպտոսն ու Ուկրաինան եւ Լեհաստանն ու Ղազախստանը:
Աշխարհի թիմային առաջնություն, կանայք
8-րդ տուր
Վրաստան - Հայաստան՝ 3:1
Բելա Խոտենաշվիլի - Էլինա Դանիելյան՝ 1:0
Լելա Չավախիշվիլի - Լիլիթ Մկրտչյան՝ 0:1
Մերի Արաբիձե - Լիլիթ Գալոյան՝ 1:0
Նինո Բացիաշվիլի - Մարիա Կուրսովա՝ 1:0
Հետևեք NEWS.am SPORT-ին Facebook-ում, Twitter և Telegram-ում