«Գանձասար Կապան» - «Փյունիկ» հանդիպումով ավարտվեց ֆուտբոլի Հայաստանի առաջնության 23-րդ տուրը: Կապանյան խաղում «Փյունիկը» հանդես եկավ առանց թիմի լավագույն ռմբարկու Սեզար Ռոմերոյի, սակայն նվազագույն հաշվով հաղթանակ կորզեց վերջնամասում: Միակ գոլը 86-րդ րոպեին խփեց Նարեկ Ասլանյանը:
48 միավոր հավաքած «Փյունիկը» 4 միավոր գերազանցում է երկրորդ տեղում գտնվող Գյումրիի «Շիրակին», որն առաջատարից մեկ խաղ ավելի է անցկացրել: Լավագույն եռյակը եզրափակող «Ուլիսը» վաստակել է 41 միավոր: 23-րդ տուրից հետո Բարձրագույն խմբի ռմբարկուների ցուցակը գլխավորում են մեքսիկացի Սեզար Ռոմերոն ու «Շիրակի» կոտդիվուարցի հարձակվող Ժան-Ժակ Բուգուհին, ովքեր խփել են 19-ական գոլ:
Հայաստանի առաջնություն, 23-րդ տուր
Ապրիլի 26
«Գանձասար Կապան» - «Փյունիկ»՝ 0:1
Նարեկ Ասլանյան, 86
«Ալաշկերտ» - «Միկա»՝ 1:2
Միհրան Մանասյան, 70 – Ալեքս, 8 (11մ), Արտակ Գրիգորյան, 30
Ապրիլի 25
«Շիրակ» - «Արարատ»՝ 4:0
Ժան-Ժակ Բուգուհի, 24, 72, Գոռ Մալաքյան, 38, Միլոշ Ստամենկովիչ, 49
Հեռացում՝ Վահե Մարտիրոսյան, 69 («Արարատ»)
«Բանանց» - «Ուլիս»՝ 3:0
Նաիրի Մինասյան, 9, Վալտեր Պողոսյան, 18, 75
Ֆոտո՝ «Գանձասարի» մամուլի ծառայություն
Հետևեք NEWS.am SPORT-ին Facebook-ում, Twitter և Telegram-ում