Մյունխենի «Բավարիայի» ֆրանսիացի կիսապաշտպան Ֆրանկ Ռիբերին չի կարծում, որ Կեւին Դե Բրույնեն եւ Մարկո Ռոյսն այժմ համապատասխանում են «Բավարիայի» պահանջներին։
«Դե Բրույնեն սուպերֆուտբոլիստ է, սակայն նա տարբերվում է ինձնից եւ Ռոբենից։ Նա գնդակի համար չի պայքարում, դրիբլինգի չի դիմում, չի սիրում պայքարի մեջ մտնել։ Նա հրաշալի է գործում, երբ ունենում է ազատ տարածություն, իսկ «Բավարիայի» խաղացողներն ունենում են առավելագույնը 3-4 մետր ազատ տարածություն։ Դե Բրույնեն դեռ երիտասարդ է եւ կարող է առաջադիմել։ Ռոյսը նման է Դե Բրույնեին եւ «Բավարիայում» կունենա նույն խնդիրները»,- Ռիբերիի խոսքը մեջբերում է Bild-ը։
Գերմանական մամուլի տեղեկություններով, «Բավարիան» հետաքրքրված է «Վոլֆսբուրգի» բելգիացի խաղացողի ծառայություններով։ Նշվում է, որ նաեւ «Մանչեսթեր Սիթին» պատրաստ է 60 միլիոն եվրո վճարել Դե Բրույնեի համար։
Հետևեք NEWS.am SPORT-ին Facebook-ում, Twitter և Telegram-ում