23:48  ,  31 մարտի, 2015

Աբասով. Հայերից ներողություն չեմ խնդրել

Ես հայերից ներողություն չեմ խնդրել, սուտ են հայ պաշտոնյաների բոլոր խոսակցությունները, թե մրցաշարից հետո ներողություն եմ խնդրել, ասել է ադրբեջանցի սամբիստ Բախտիյար Աբասովը, հաղորդում է azerisport-ը:

Մոսկվայում կայացած աշխարհի գավաթի մրցաշարի պարգեւատրության ժամանակ Աբասովը կքանստել էր Հայաստանի հիմնի ժամանակ: Այն հնչել էր արցախցի Աշոտ Դանիելյանի հաղթանակի պատվին:

Հայաստանի սամբոյի ֆեդերացիայի նախագահ Լյովա Հայրապետյանը NEWS.am Sport-ի թղթակցի հետ զրույցում նշել էր, որ Աբասովն ու Մոսկվայում Ադրբեջանի դեսպանության ներկայացուցիչը մոտեցել եւ ներողություն են խնդրել այդ արարքի համար: Հայկական կողմը բողոք չի ներկայացրել մրցաշարի կազմակերպիչներին կամ մարզաձեւի միջազգային ֆեդերացիային:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով