Իմ ֆուտբոլային եւ ընդհանուր զարգացման տեսանկյունից օգտակար կլիներ Բունդեսլիգայից այլ առաջնություն տեղափոխվելս, հայտարարել է Դորտմունդի «Բորուսիայի» գերմանացի պաշտպան Մատս Հումելսը:
«Վերջնական որոշում դեռ չեմ ընդունել: Անկեղծ ասեմ, որ ունեցել եմ բանակցություններ ակումբիս հետ, որոնք տվել են որոշակի արդյունք: Բայց մեզ պետք է ուժեղ թիմ եւ համապատասխան մոտեցում գործին: Եթե դա չլինի, ապա իմ տեղափոխությունն այլ ակումբ կդառնա իրատեսական:
Հաճախ եմ մտածում, որ կցանկանայի խաղալ այլ առաջնություններում: Դա օգտակար կլիներ իմ ֆուտբոլային եւ ընդհանուր զարգացման տեսանկյունից»,- Հումելսի խոսքը մեջբերում է Kicker-ը:
Ավելի վաղ նշվել էր, որ անգլիական «Մանչեսթեր Յունայթեդը» Մատս Հումելսի համար առաջարկել է 41 միլիոն եվրո եւ մերժում է ստացել: Գերմանական ակումբը ցանկանում է նրա տրանսֆերից ստանալ առնվազն 45 միլիոն եվրո:
Հետևեք NEWS.am SPORT-ին Facebook-ում, Twitter և Telegram-ում