Ալբանիայի հավաքականը տարավ պատմական հաղթանակ, ինձ համար սա կարիերայիս ամենակարեւոր խաղն էր, ասել է ալբանացիների իտալացի գլխավոր մարզիչ Ջիանի Դե Բիազին՝ մեկնաբանելով Եվրոպայի առաջնության ընտրական մրցաշարում Հայաստանի հավաքականի նկատմամբ տարած կամային հաղթանակը՝ 2:1:
«Մենք կատարեցինք գերազանց աշխատանք: Բաց թողած գոլից հետո մենք ամբողջ ընթացքում գերիշխում էինք խաղադաշտում: Մենք գիտեինք, որ մրցակիցն ուժեղ է եւ դժվար է լինելու: Ընդմիջման ժամանակ ես ասացի իմ խաղացողներին, որ ունենք հաղթանակի հասնելու շանս: Մեր ֆուտբոլիստները հավատում էին իրենց ուժերին եւ հասան նպատակին: Այժմ առջեւում Դանիայի դեմ հանդիպումն է, որը կլինի ամբողջ կյանքիս խաղը»,- Դե Բիազիի խոսքը մեջբերում է ՈւԵՖԱ-ի կայքը:
Ալբանիայի հավաքականը Դանիայի հետ հաջորդ հանդիպումը կանցկացնի սեպտեմբերի 4-ին:
Հիշեցնենք, որ I խմբում Հայաստանի հավաքականը չորս խաղում վաստակել է 1 միավոր: Նույն արդյունքն ունի նաեւ Սերբիան: Խմբի առաջատարը Պորտուգալիան է՝ 9 միավոր: Դանիան ու Ալբանիան ունեն 7-ական միավոր:
Եվրո-2016, ընտրական փուլ
I խումբ
Մավրայ, 77, Գաշի, 81 - Մավրայ, 4, ինքնագոլ
Հետևեք NEWS.am SPORT-ին Facebook-ում, Twitter և Telegram-ում