Հունական «Օլիմպիակոսի» նախագահ Եվանգելոս Մարինակիսը թիմի ֆուտբոլիստներին 500 հազարական եվրոյով տուգանել է անհաջող խաղի համար:
«Օլիմպիակոսը» մեծագույն ակումբ է, որի կազմում խաղալը պետք է պատիվ լինի ձեզանից յուրաքանչյուրի համար: Դուք պետք է հարգեք ակումբը եւ կարդաք նրա պատմությունը: Հակառակ դեպքում տղամարդկություն ունեցեք եւ հեռացեք թիմից: Քանի դեռ խաղում եք «Օլիմպիակոսում», պարտավոր եք ներդնել բոլոր ուժերը»,- նշվում է նախագահի՝ ֆուտբոլիստներն ուղղված նամակում, փոխանցում է Agence France-Presse-ը:
Հիշեցնենք, որ Հունաստանի չեմպիոնը չկարողացավ հաղթահարել Եվրոպայի լիգայի 1/16 եզրափակիչի արգելքը՝ պարտվելով ուկրաինական «Դնեպրին»: Վերջերս թիմը 1:2 հաշվով պարտվել էր նաեւ «Պանատինաիկոսի» դեմ Հունաստանի գլխավոր դերբիում:
Հետևեք NEWS.am SPORT-ին Facebook-ում, Twitter և Telegram-ում