Ալեքսանդր Գրիգորյանը մեկնաբանել է իր պաշտոնանկությունը ռուսական «Տոսնոյի» գլխավոր մարզիչի պաշտոնից:
«Պայմանագրիս խզման ձեւակերպումը՝«անձնական հանգամանքների» պատճառով, կարծում եմ՝ բոլորին հարմար էր: Անկեղծություն չկար այդ ձեւակերպման մեջ, սակայն իրական հիմք ունի: Մայրս լուրջ հիվանդ է, ախտորոշումը քաղցկեղ է: Տեղի ունեցածը ես ընդունեցի՝ որպես մորս հետ լինելու հնարավորություն:
«Տոսնոն» գլխավորելուց առաջ ես հավաքեցի տեղեկություններ, թե ինչ պայմաններում եմ աշխատելու: Սակայն ինձ առաջ էր մղում արդյունքը՝ թիմին Պրեմյեր լիգա դուրս բերելու մղումը: «Տոսնոն» առանձնահատուկ ակումբ է՝ մասնավոր: Ով վճարում է, նա էլ պատվիրում է երաժշտություն: Դա ընդհանուր առմամբ նորմալ է: Սակայն ես հույս ունեի, որ կոնֆլիկտային դրություններում հնարավորություն կունենամ բանակցել: Դա մոլորություն էր: Ես գրպանային մարզիչ չեմ:
Հրաժարականից հետո բոլոր մարզիչներն էլ մի քանի օր բացասական հույզեր են ունենում: Բայց սառը վերլուծելուց պարզ է դառնում, որ «Տոսնոյի» հետ իմ համագործակցությունը դատապարտված էր: Մարզչական աշխատանքը նյարդային ու սթրեսային է: Հոգեբանորեն ես պատրաստ եմ դադարին: Պետք է լինեմ մորս հետ: Ես էլ ցանկանում եմ մարզվել, թողնել ծխելը, մեթոդական նյութերը վերընթերցել: Իսկ հետո՝ ինչպես Աստված կկամենա»,- Գրիգորյանի խոսքը մեջբերում է Sportbox-ը:
48-ամյա մասնագետը Լենինգրադի մարզի ակումբը գլխավորել էր 2014-ի դեկտեմբերին: Ռուսաստանի առաջին դիվիզիոնում «Տոսնոն» ընթանում է երրորդ տեղում եւ պայքարում է Պրեմյեր լիգայի ուղեգիր նվաճելու համար:
Հետևեք NEWS.am SPORT-ին Facebook-ում, Twitter և Telegram-ում
01:09 , 25 ապրիլի 
00:59 , 25 ապրիլի 
00:15 , 25 ապրիլի 
00:05 , 25 ապրիլի 
23:02 , 24 ապրիլի 
21:57 , 24 ապրիլի 
21:33 , 24 ապրիլի 
21:29 , 24 ապրիլի 
20:24 , 24 ապրիլի 
20:04 , 24 ապրիլի 
