Լոնդոնի «Չելսին» պատմության մեջ 5-րդ անգամ դարձավ ֆուտբոլի Անգլիական լիգայի գավաթակիր:
Լոնդոնի «Ուեմբլի» ստադիոնում կայացած եզրափակիչում Պրեմյեր լիգայի ընթացիկ առաջատարը 2:0 հաշվով հաղթեց «Տոտենհեմին»: Ժոզե Մոուրինյոյի թիմի առաջին գոլը 45-րդ րոպեին խփեց «Չելսիի» ավագ Ջոն Թերին, իսկ ընդմիջումից հետո ինքնագոլի հեղինակ դարձավ «Տոտենհեմի» անգլիացի պաշտպան Կայլ Ուոկերը:
«Չելսին» Անգլիական լիգայի գավաթակիր դարձել էր նաեւ 1965-ին, 1998-ին, 2005-ին եւ 2007-ին, վերջին երկուսը՝ Ժոզե Մոուրինյոյի գլխավորությամբ:
Անգլիական լիգայի գավաթ, եզրափակիչ
«Չելսի» - «Տոտենհեմ»՝ 2:0
Ջոն Թերի, 45, Կայլ Ուոկեր, 56 (ինքնագոլ)
Հետևեք NEWS.am SPORT-ին Facebook-ում, Twitter և Telegram-ում