Դորտմունդի «Բորուսիայի» գլխավոր մարզիչ Յուրգեն Կլոպը Գերմանիայի առաջնության 23-րդ տուրում Գելզենկիրխենի «Շալկեի» նկատմամբ վստահ հաղթանակից հետո առանձնացրել է Հայաստանի հավաքականի կիսապաշտպան Հենրիխ Մխիթարյանին, ով դարձավ գոլի եւ գոլային փոխանցման հեղինակ:
«Սա իսկական «Բորուսիան» էր՝ all inclusive: Ցուցադրեցինք հիանալի խաղ, որում կար ցանկությունն ու լարվածությունը 90 րոպեի ընթացքում: Չի կարելի չնշել Հենրիխ Մխիթարյանին: Սա նրա լավագույն հանդիպումն էր Դորտմունդի «Բորուսիայի» կազմում»,- Կլոպի խոսքը մեջբերում է «Բորուսիայի» կայքը:
Հիշեցնենք, որ դորտմունդյան խաղում «Բորուսիա» 3:0 հաշվով հաղթեց Գերմանիայում իր ամենասկզբունքային մրցակցին, իսկ Հենրիխ Մխիթարյանը երկարատեւ դադարից հետո Բունդեսլիգայում «Բորուսիայի» մեկնարկային կազմում ընդգրկվելուց եւ 90 րոպե խաղալուց հետո առաջին գոլը խփեց Գերմանիայի ընթացիկ առաջնությունում:
Հետևեք NEWS.am SPORT-ին Facebook-ում, Twitter և Telegram-ում