Դորտմունդի «Բորուսիայի» ստադիոնի մոտակայքում չպայթած արկի վնասազերծման աշխատանքների պատճառով ակումբի գլխավոր մարզիչ Յուրգեն Կլոպի մամուլի ասուլիսն անցկացվել է այլ վայրում: Գերմանիայի առաջնության 23-րդ տուրում «Բորուսիան» կհյուրընկալի «Շալկեին»:
«Հուսով եմ՝ չպայթած արկը շաբաթ օրը դեռ չի լինի ստադիոնում: Մրցակիցը նվազագույն տարածություն կտա մեզ խաղադաշտում, այդ պատճառով պետք է խաղանք զգույշ: Գիտենք մեր խնդիրների մասին: Վերջապես եկել է կայուն ֆուտբոլ ցուցադրելու ժամանակը: Պետք է ունենանք տարածքային առավելություն եւ օգտագործենք ստեղծված պահերը»,- Կլոպի խոսքը փոխանցում է Goal.com-ը:
Հիշեցնենք, որ «Սիգնալ Իդունա Պարկի» մոտակայքում հայտնաբերվել է երկրորդ համաշխարհային պատերզամից մնացած չպայթած արկ: Սակրավորները վնասազերծել են այն:
Հետևեք NEWS.am SPORT-ին Facebook-ում, Twitter և Telegram-ում