Պերմի «Ամկարի» նորեկ եւ Հայաստանի հավաքականի պաշտպան Ռոբերտ Արզումանյանը պատմել է նոր ակումբում ստացած առաջին տպավորությունների, ակումբի եւ հավաքականի նպատակների ու խնդիրների մասին:
«Շատ լավ ընդունեցին, հարմարվելու համար ժամանակ գրեթե պետք չեղավ: Անմիջապես ներգրավվեցի աշխատանքի մեջ: Առաջին հավաքների ծանրաբեռնվածությունն այնքան մեծ է, որ օրական երկու մարզումներից բացի, այլ բանի մասին մտածելու ժամանակ չկա: Յուրաքանչյուր ֆուտբոլիստի համար հավաքները շատ կարեւոր փուլ են: Այս ընթացքում է դրվում հիմքը, որի վրա պետք է անցկացնես ամբողջ առաջնությունը: Ծանր աշխատանքի 2/3-րդն արդեն հետեւում է: Առջեւում նախապատրաստության եզրափակիչ փուլն է:
Ստուգողական հանդիպումներում «Ամկարի» մարտավարությունը՝ երեք կենտրոնական պաշտպաններով, անակնկալ չէր ինձ համար, քանի որ Հայաստանի հավաքականը պաշտպանությունում խաղացել է հինգ ֆուտբոլիստներով:
«Ամկարում» այժմ մեր գլխավոր խնդիրը Ռուսաստանի Պրեմյեր լիգայում տեղը պահպանելն է: Ես պատրաստ եմ առավելագույն ջանք գործադրել, որպեսզի այդ խնդիրը լուծվի: Այժմ բոլորը հրաշալի տրամադրվածություն ունեն: Ոչ ոք չի կասկածում, որ մնալու ենք Պրեմյեր լիգայում: Այսպիսի պայմաններում աշխատելը իսկական հաճույք է:
Տեղափոխվեցի «Ամկար», քանի որ այստեղից ստացա ամենահստակ առաջարկը: «Ամկարը» լավ համբավ ունի, 10 տարուց ավելի հանդես է գալիս Պրեմյեր լիգայում: Ռուսական ֆուտբոլի մակարդակն էլ բարձր է բոլոր այն առաջնություններից, որտեղ ես հանդես եմ եկել:
«Ամկարի» 20 տարվա պատմության ընթացքում հայերից միայն Ալբերտ Սարկիսյանն էր նախկինում խաղացել: 2005-ին, երբ ես նորամուտս նշեցի Հայաստանի հավաքականում, նա ավարտում էր ելույթները ազգային թիմում: Երկու խաղում միասին խաղադաշտ ենք դուրս եկել:
Հույս ունեմ, որ Ռուսաստանի առաջնությունում ելույթներս կնպաստեն ազգային հավաքականի խաղերին ավելի լավ պատրաստ լինելուն: Այս ընտրական շրջափուլում Հայաստանի թիմի առջեւ լուրջ խնդիր է դրված՝ դուրս գալ Եվրոպայի առաջնության եզրափակիչ մրցաշար»,- ասել է Ռոբերտ Արզումանյանը «Ամկարի» մամուլի ծառայությանը:
Հայաստանի հավաքականի ֆուտբոլիստը Ղազախստանի «Ակտոբեից» է տեղափոխվել Ռուսաստանի առաջնություն: «Ամկարն» այժմ հավաք է անցկացնում Թուրքիայում:
Հետևեք NEWS.am SPORT-ին Facebook-ում, Twitter և Telegram-ում
12:10 , 20 ապրիլի 
11:12 , 20 ապրիլի 
10:21 , 20 ապրիլի 
09:07 , 20 ապրիլի 
00:47 , 20 ապրիլի 
23:08 , 19 ապրիլի 
22:26 , 19 ապրիլի 
21:51 , 19 ապրիլի 
21:03 , 19 ապրիլի 
20:26 , 19 ապրիլի 
