Մադրիդի «Ռեալի» եւ Իսպանիայի հավաքականի դարպասապահ Իկեր Կասիլյասն անդրադարձել է Իսպանիայի Գավաթի քառորդ եզրափակիչի «Բարսելոնայի» հետ խաղում Մադրիդի «Աթլետիկոյի» թուրք կիսապաշտպան Արդա Թուրանի արարքին:
«Առանց տեւական դադարների հանդիպումներն օգնում են արդյունավետ հանդես գալ յուրաքանչյուր խաղում: Տոնական օրերը բացասական են անդրադարձել թիմերի վրա: Մի քանի անգամ կորցրեցինք կենտրոնացվածությունը եւ դուրս մնացինք Իսպանիայի գավաթի խաղարկությունից:
«Բարսելոնայի» հետ խաղում Արդա Թուրանը թույլ տվեց տգեղ արարք»,- Կասիլյասի խոսքը փոխանցում է Marca-ն:
Հիշեցնենք, որ ֆուտբոլիստը դժգոհել էր հանդիպման եզրային մրցավարից եւ խաղակոշիկը նետել նրա ուղղությամբ:
Հետևեք NEWS.am SPORT-ին Facebook-ում, Twitter և Telegram-ում