Իսպանիայի Մարբելիա քաղաքում մարզահավաք անցկացնող Մոսկվայի «Սպարտակն» առաջին հանդիպումն անցկացրեց այս տարի: Ստուգողական խաղում ռուսական ակումբի մրցակիցը Լեհաստանի «Զավիշա» թիմն էր: Գրանցվեց ոչ ոքի՝ 0:0:
Հայաստանի հավաքականի եւ «Սպարտակի» հարձակվող Յուրա Մովսիսյանը մեկնարկային կազմում չէր, նա փոխարինման դուրս եկավ ընդմիջումից հետո եւ անցկացրեց ամբողջ երկրորդ խաղակեսը: Հայ հարձակվողը մի քանի հարված է կատարել դարպասին, սակայն մրցակցի դարպասապահը փրկել է դրությունը:
Հունվարի 31-ին «Սպարտակը» ստուգողական խաղ կանցկացնի բուլղարական «Լուդոգորեցի» հետ:
Հետևեք NEWS.am SPORT-ին Facebook-ում, Twitter և Telegram-ում