Երեւանի «Ուլիսն» Անթալիայում անցկացրել է երկրորդ ստուգողական հանդիպումը, որն ընթացել է հավասար պայքարում եւ բազմաթիվ փոխադարձ գրոհներով: Մինչեւ ընդմիջում կողմերը մի քանի անգամ ունեցել հաշիվը բացելու հնարավորություն, սակայն դարպասի գրավում չի գրանցվել: Ընդմիջումից հետո «Ուլիսի» կազմում բազմաթիվ փոփոխություններ են տեղի ունեցել: Մարզչական կազմը խաղադաշտ է դուրս բերել փորձաշրջան անցնող ֆուտբոլիստների:
68-րդ րոպեին Ալեքսանդր Ժիրովի խփած գնդակը հաղթանակ է բերել «Վոլգարին», հաղորդում է «Ուլիսի» մամուլի քարտուղարությունը: «Ուլիսի» մեկնարկային կազմը. Արսեն Բեգլարյան, Կոնստանտին Մորոզով, Ռադե Դուգալիչ, Լեւան Ջարկավա, Անդրեյ Բելոմիցեւ, Գեորգի Խուբուա, Դավիթ Խուրցիձե, Արտակ Ալեքսանյան, Իրակի Գեպերիձե, Հովհաննես Գոհարյան:
Առաջին ստուգողական խաղում «Ուլիսը» 0:4 հաշվով պարտվել էր Մոսկվայի «Լոկոմոտիվին»:
Հունվարի 31-ին «Ուլիսը» կմրցի մոլդովական «Միլսամի» թիմի հետ:
Հետևեք NEWS.am SPORT-ին Facebook-ում, Twitter և Telegram-ում