«Ինտերի» եւ Խորվաթիայի հավաքականի կիսապաշտպան Մատեո Կովաչիչը մեկնաբանել է «Լացիոյի» դեմ իտալական A Սերիայի տարեվերջյան 16-րդ տուրի խաղում խփած գեղեցիկ գոլը:
«Խփել եմ շատ գոլեր, սակայն կարծում եմ, որ սա կարիերայիս լավագույն գոլն էր: Ամեն դեպքում, ես հիասթափված եմ: Մեր սխալների հետեւանքով բաց թողած 2 գոլերի պատճառով թիմը կորցրեց մրցաշարային աղյուսակում բարձրանալու հնարավորությունը: «Ինտերը» չի կարող գոհ լինել ոչ ոքիով»,- Կովաչիչի խոսքը մեջբերում է Sky Sport Italia-ն:
Հիշեցնենք, որ միլանյան խաղում գրանցվեց 2:2 հաշիվը, իսկ «Լացիոն» չպահպանեց 2 գոլի առավելությունը:
Հետևեք NEWS.am SPORT-ին Facebook-ում, Twitter և Telegram-ում