«Ինտեր» - «Լացիո» խաղով ավարտվեց իտալական A Սերիայի տարեվերջյան 16-րդ տուրը: Միլանում կայացած խաղն անցավ դիտարժան պայքարում եւ ավարտվեց 2:2 հաշվով:
Առաջին խաղակեսում «Ինտերի» մոտ ոչինչ չէր ստացվում, իսկ հռոմեացիները բրազիլացի 21-ամյա կիսապաշտպան Ֆելիպե Անդերսոնի դուբլի շնորհիվ ընդմիջման գնացին 2 գոլի առավելությամբ:
Երկրորդ խաղակեսում դաշտի տերերը կերպարանափոխվեցին եւ ունեին հսկայական առավելություն: 66-րդ րոպեին Խորվաթիայի հավաքականի կիսապաշտպան Մատեո Կովաչիչն արտակարգ հարվածով կրճատեց հաշիվը, իսկ քիչ անց «Ինտերին» պարտությունից փրկեց արգենտինացի հարձակվող Ռոդրիգո Պալասիոն, ով իր առաջին գոլը խփեց Իտալիայի ընթացիկ առաջնությունում: Խաղի վերջնամասը եւս անցավ միլանցիների գրոհների նորքո, սակայն նոր գոլեր չգրանցվեցին:
22 միավոր հավաքած «Ինտերը» տարին ավարտեց 11-րդ տեղում, իսկ «Լացիոն» ունի 27 միավոր եւ «Նապոլիի» ու «Սամպդորիայի» հետ բաժանում է 3-5-րդ տեղերը:
Իտալիայի առաջնություն, 16-րդ տուր
«Ինտեր» - «Լացիո»՝ 2:2
Մատեո Կովաչիչ, 66, Ռոդրիգո Պալասիո, 80 – Ֆելիպե Անդերսոն, 2, 37
Հետևեք NEWS.am SPORT-ին Facebook-ում, Twitter և Telegram-ում
21:41 , 25 ապրիլի 
20:50 , 25 ապրիլի 
20:17 , 25 ապրիլի 
19:19 , 25 ապրիլի 
18:02 , 25 ապրիլի 
17:28 , 25 ապրիլի 
17:10 , 25 ապրիլի 
16:45 , 25 ապրիլի 
15:28 , 25 ապրիլի 
14:20 , 25 ապրիլի 
