Ռուսաստանի երիտասարդական հավաքականի հարձակվող Արշակ Կորյանը հնարավոր է կարիերան շարունակի Մոսկվայի «Սպարտակում», հաղորդում է ռուսական «Ֆուտբոլ» շաբաթաթերթը:
19-ամյա ֆուտբոլիստը հրաժարվեց երկարաձգել պայմանագիրը Մոսկվայի «Լոկոմոտիվի» հետ: Կորյանը հանդես էր գալիս ակումբի երիտասարդական թիմում: «Լոկոմոտիվի» ղեկավարությունը հայտարարեց, որ համաձայնության չեն հասել ֆուտբոլիստի հետ ֆինանսական հարցերով, իսկ Կորյանը նշեց, որ ակումբում չմնալու պատճառը գլխավոր թիմում հանդես գալու հնարավորություն չստանալն է:
Ռուսաստանի ընթացիկ առաջնությունում Կորյանը 14 հանդիպում է անցկացրել «Լոկոմոտիվի» երիտասարդական թիմում եւ խփել է 13 գնդակ:
Հետևեք NEWS.am SPORT-ին Facebook-ում, Twitter և Telegram-ում