Երեւանի Շախմատի տանը դեկտեմբերի 20-ին, ժամը 12:00-ին տեղի կունենա արդեն ավանդույթ դարձած շախմատային սեանսը գրոսմայստեր Լեւոն Արոնյանի հետ:
Միջոցառումն իրականացնում են «Հույսի կամուրջ» եւ «Առաքելություն Արեւելք» կազմակերպությունները (Դանիայի արտաքին գործերի նախարության ֆինանսական աջակցությամբ) եւ Տիգրան Պետրոսյանի անվան շախմատի տան հետ համատեղ:
Այս տարի Լեւոն Արոնյանի հետ կմրցեն Երեւանի ներառական կրթություն իրականացնող դպրոցների աշակերտները:
«Սպորտը` հանուն հավասար հնարավորությունների» միջոցառումների նպատակն է հանրության ուշադրությունը հրավիրել հաշմանդամություն ունեցող անձանց համար հավասար հնարավորություններ ստեղծելու գաղափարին: Լեւոն Արոնյանն արդեն 5-րդ տարին է մասնակցում նախաձեռնությանը՝ այդպիսով միանալով հավասար հնարավորությունների ստեղծման գաղափարի տարածմանը:
Հետևեք NEWS.am SPORT-ին Facebook-ում, Twitter և Telegram-ում