Կատալոնական «Բարսելոնան» հրաժեշտի հանդիպում կանցկացնի Կարլես Պույոլի համար, տեղեկացնում է sport.es-ը: Կատալոնական ակումբի նախագահ Խոսեպ Բարտոմեուն հայտարարել է, որ առայժմ հայտնի չէ հանդիպման օրը:
«Պույոլն արժանի է նման պատվին: Նա «Բարսելոնայի» փառահեղ ֆուտբոլիստներից է: Այժմ հրաժեշտի հանդիպում անցկացնելու հարցը քննարկման փուլում է եւ անհրաժեշտ է ընտրել խաղի օրը»,- ասել է Բարտոմեուն:
Հիշեցնենք, որ 36-ամյա Պույոլը կարիերան ավարտել էր այս ամռանը եւ այժմ «Բարսելոնայի» սպորտային տնօրենի օգնականն է:
Հետևեք NEWS.am SPORT-ին Facebook-ում, Twitter և Telegram-ում