Դորտմունդի «Բորուսիան» շարունակում է միավորներ կորցնել Գերմանիայի առաջնությունում: Բունդեսլիգայի 16-րդ տուրում Դորտմունդի թիմն առանց վնասվածքից ապաքինվող Հենրիխ Մխիթարյանի 2:2 հաշվով ավարտեց երկրորդ տեղում գտնվող «Վոլֆսբուրգի» դեմ խաղը: Յուրգեն Կլոպի թիմը 2 անգամ առաջ անցավ հաշվի մեջ, բայց վերջնամասում բաց թողեց հաղթանակը:
Հայաստանի հավաքականի 25-ամյա ֆուտբոլիստը եւս ներկա էր Դորտմունդում կայացած խաղին, որի սկզբնամասում թիմերը կորցրին մեկական գոլային պահեր, իսկ 7-րդ րոպեին գաբոնցի հարձակվող Պյեր-Էմերիկ Օբամեյանգն առաջ մղեց դաշտի տերերին: Առաջին խաղակեսում տարածքային առավելություն ունեցող «Վոլֆսբուրգը» 1-2 գոլային պահ կորցնելուց հետո 28-րդ րոպեին հավասարեցրեց հաշիվը: Տուգանային հարվածն անթերի իրացրեց բելգիացի կիսապաշտպան Կեւին Դե Բրույնեն: Առաջին խաղակեսում հյուրերը կարող էին նաեւ առաջ անցնել հաշվի մեջ, սակայն թիմերն ընդմիջման գնացին 1:1 հաշվի ժամանակ:
Ընդմիջումից հետո ավելի վտանգավոր էին ստացվում դորտմունդցիների գրոհները: «Բորուսիան» բաց թողեց գոլ խփելու մի քանի հնարավորություններ, սակայն 76-րդ րոպեին առաջ անցավ հաշվի մեջ: Այնուամենայնիվ, Յուրգեն Կլոպի թիմը չկարողացավ պահպանել իտալացի հարձակվող Չիրո Իմոբիլեի գոլի շնորհիվ ստացած առավելությունը, քանի որ խաղի ավարտից 5 րոպե անց բրազիլացի պաշտպան Նալդոն «Վոլֆսբուրգին» փրկեց պարտությունից:
Գերմանիայի այս առաջնությունում 9 պարտություն կրած Դորտմունդի «Բորուսիան» 15 միավորով մնաց 16-րդ տեղում: «Վոլֆսբուրգն» ունի 31 միավոր, սակայն արդեն 11 միավոր է հետ մնում առաջատար «Բավարիայից»:
Գերմանիայի առաջնություն, 16-րդ տուր
«Բորուսիա Դ.» - «Վոլֆսբուրգ»՝ 2:2
Պյեր-Էմերիկ Օբամեյանգ, 8, Չիրո Իմոբիլե, 76 – Կեւին Դե Բրույնե, 28, Նալդո, 85
«Հոֆենհայմ» - «Բայեր»՝ 0:1
Շտեֆան Կիսլինգ, 79
«Պադերբորն» - «Շալկե»՝ 1:2
Կաան Այհան, 31 (ինքնագոլ) – Էրիկ Չուպո-Մոտինգ, 44, Ռոման Նոշտեդտեր, 79
«Այնտրախտ» - «Հերտա»՝ 4:4
Շտեֆան Այնգեր, 43, Հարիս Սեֆերովիչ, 58, Ալեքսանդր Մեյեր, 90, 90+1 – Ջոն Բրուկս, 21, Անիս Բեն-Հատիրա, 33, Յուլիան Շիբեր, 33, Պետեր Նեյմեյեր, 80
«Բորուսիա Մ.» - «Վերդեր»՝ 4:1
Մաքս Կրուզե, 32 (11մ.), Օսկար Վենդտ, 38, Կրիստոֆ Կրամեր, 64, Բրանիմիր Հրգոտա, 89 – Զլատկո Յունուզովիչ, 51
Հեռացում՝ Լուկա Կալդիրոլա, 66 («Վերդեր»)
Հետևեք NEWS.am SPORT-ին Facebook-ում, Twitter և Telegram-ում