«Բարսելոնան» կդիմի ՖԻՖԱ-ին

Վնասվածք ստացած պաշտպան Թոմաս Վերմալենի փոխարեն նոր խաղացողի ձեռք բերելու թույլտվություն ստանալու խնդրանքով «Բարսելոնան» կդիմի Ֆուտբոլի միջազգային ֆեդերացիային, հաղորդում է El Mundo Deportivo-ն:

Միջազգային տրանսֆերների ժամանակ թույլ տված խախտումների պատճառով կատալոնական ակումբին արգելված է երկու տրանսֆերային պատուհանների ժամանակ գնել նոր ֆուտբոլիստների: Սակայն կանոնադրության կետերից մեկը թույլ է տալիս փոխարինել վնասվածք ստացած խաղացողի: Դեկտեմբերի 5-ին Մարզական վճռաբեկ դատարանը կքննարկի «Բարսելոնայի» բողոքարկումը:

29-ամյա բելգիացի Վերմալենը ազդրի վնասվածք ունի եւ առաջիկայում կվիրահատվի: Նա բաց կթողնի մինչեւ հինգ ամիս:

Հետևեք NEWS.am SPORT-ին Facebook-ում, Twitter և Telegram-ում