Լավ է, որ այս խաղում մեր ֆուտբոլիստներից ոչ ոք վնասվածք չստացավ, ասել է Դորտմունդի «Բորուսիայի» գլխավոր մարզիչ Յուրգեն Կլոպը Չեմպիոնների լիգայի խմբային մրցաշարի 5-րդ տուրում Լոնդոնի «Արսենալից» կրած 0:2 հաշվով պարտությունից հետո:
«Լավ թիմ է «Արսենալը»: Նրանք գերազանց խաղացին եւ արժանի էին այս հաղթանակին: Մեզ համար լավ է, որ այսօր գոնե մեր ֆուտբոլիստներից ոչ ոք չստացավ վնասվածք: Լավ է, որ մենք ապահովել ենք տեղը փլեյ-օֆֆում:
Մեր թիմում այժմ ծանրագույն իրավիճակ է, որը հնարավոր չէ կարգավորել մեկ գիշերում»,- Յուրգեն Կլոպի խոսքը մեջբերում է Der Westen-ը:
Հիշեցնենք, որ «Բորուսիային» հաղթելու շնորհիվ «Արսենալը» եւս հաղթահարեց խմբային փուլի արգելքը:
Հետևեք NEWS.am SPORT-ին Facebook-ում, Twitter և Telegram-ում