Ֆուտբոլի Հայաստանի Բարձրագույն խմբի երկրորդ շրջանից հետո առաջատար «Ուլիսի» եւ երկրորդ տեղում գտնվող «Փյունիկի» միջեւ միավորների տարբերությունը հասավ 4-ի:
14-րդ տուրում «Փյունիկը» սեփական խաղադաշտում 5 անպատասխան գնդակ ուղարկեց «Միկայի» դարպասը: 2-ական գոլ խփեցին Սեզար Ռոմերոն ու Նարեկ Ասլանյանը, իսկ խաղի վերջակետը դրեց փոխարինման դուրս եկած Ռազմիկ Հակոբյանը: Մեքսիկացի հարձակվող Ռոմերոն 15 գոլով վստահորեն գլխավորում է Հայաստանի առաջնության ռմբարկուների ցուցակը։
«Փյունիկը» հավաքեց 30 միավոր եւ արդեն 4 միավոր է զիջում «Ուլիսին»: Երրորդ տեղում գտնվող «Շիրակն» ունի 24 միավոր, Կապանի «Գանձասարը»՝ 18, «Միկան» ու «Ալաշկերտը»՝ 16-ական, գործող չեմպիոն «Բանանցը»՝ 13, իսկ հետնապահ «Արարատը»՝ 6:
Հայաստանի առաջնություն, 14-րդ տուր
Նոյեմբերի 23
«Փյունիկ» - «Միկա»՝ 5:0
Նարեկ Ասլանյան, 15, 41, Սեզար Ռոմերո, 49, 56, Ռազմիկ Հակոբյան, 87
«Գանձասար» - «Արարատ»՝ 1:0
Վասիլ Պալագնյուկ, 76
Նոյեմբերի 22
«Ալաշկերտ» - «Բանանց»՝ 0:0
Ֆոտո` «Ուլիսի» մամուլի ծառայություն
«Ուլիս» - «Շիրակ»՝ 1:2
Դավիթ Խուրցիձե, 70 – Դավիթ Հակոբյան, 8, Դրիսա Դիարասուբա, 51
Հեռացում՝ Ռադե Դուգալիչ, 88 («Ուլիս»)
Հետևեք NEWS.am SPORT-ին Facebook-ում, Twitter և Telegram-ում