Կրասնոդարի երկրամասի փոխմարզպետ, ֆուտբոլի ֆեդերացիայի նախագահ Իվան Պերոնկոն կարծում է, որ Հայաստանի հավաքականի եւ Մոսկվայի «Սպարտակի» կիսապաշտպան Արաս Օզբիլիսը պատրաստ չէ վերադառնալ «Կուբան»: 24-ամյա ֆուտբոլիստն այժմ ապաքինվում է վնասվածքից:
«Մեր նախկին ֆուտբոլիստներին՝ «Սպարտակի» կիսապաշտպան Արաս Օզբիլիսին եւ «Դինամոյի» խաղացող Ալեքսեյ Կոզլովին վերադարձնելու գաղափարը լավն է: Կարծում եմ՝ այժմ Օզբիլիսը պատրաստ չէ նման քայլին, իսկ Կոզլովին կարող ենք վարձակալել: Տանն ավելի հեշտ է վերադարձնել նախկին խաղամակարդակդ: Եթե Կոզլովը ցանկանում է վերադառնալ, իսկ «Դինամոն» կհամաձայնի բաժանվել նրանից»,- Պերոնկոյի խոսքը փոխանցում է Sport Express-ը:
Հիշեցնենք, որ Արաս Օզբիլիսը 2012-ի ամռանը Ամստերդամի «Այաքսից» տեղափոխվել էր «Կուբան», իսկ մեկ տարի անց կրասնոդարյան ակումբից՝ «Սպարտակ»:
Հետևեք NEWS.am SPORT-ին Facebook-ում, Twitter և Telegram-ում