Ֆուտբոլի Պորտուգալիայի հավաքականի եւ Լիսաբոնի «Սպորտինգի» կիսապաշտպան Լուիշ Նանին լրագրողների հետ զրույցում մեկնաբանել է Եվրո-2016-ի ընտրական խաղում Հայաստանի նկատմամբ հաղթանակը, Ֆարոյից փոխանցում է NEWS.am Sport-ի թղթակիցը:
«Կարծում եմ՝ սա շատ լավ խաղ էր մեզ համար: Շատ դժվար էր, քանի որ Հայաստանի հավաքականը շատ լավ թիմ է: Դժվար էր խաղալ նրանց պաշտպանության դեմ: Շատ ֆուտբոլիստներ էին խաղում պաշտպանության գծում: Վերջում մենք խփեցինք շատ կարեւոր գնդակ եւ վաստակեցինք 3 միավոր:
Մենք արժանի էինք այս հաղաթանկին, քանի որ հայերից ավելի լավն էինք: Անում էինք ամեն բան, որպեսզի հաղթեինք ու խփեինք գոլ, որին արժանի էինք»,- ասել է Նանին, ում տրանսֆերային իրավունքը պատկանում է անգլիական «Մանչեսթեր Յունայթեդին»:
Հիշեցնենք, որ Մադրիդի «Ռեալի» հարձակվող Կրիշտիանու Ռոնալդուի գոլի շնորհիվ պորտուգալացիները նվազագույն հաշվով հաղթեցին Հայաստանի հավաքականին:
Վերա Մարտիրոսյան
Տեսանյութի պատրաստմանն աջակցել է «Արայ» ընկերությունը
Հետևեք NEWS.am SPORT-ին Facebook-ում, Twitter և Telegram-ում