Մանուել Պելեգրինի. «Մանչեսթեր Յունայթեդի» դեմ հանդիպումն ամենակարեւորը չէ

«Մանչեսթեր Սիթիի» գլխավոր մարզիչ Մանուել Պելեգրինին խոսել է «Մանչեսթեր Յունայթեդի» հետ Անգլիայի առաջնության 10-րդ տուրի հանդիպման մասին:

«Գիտեմ, որ մեզ սպասվում է բարդ հանդիպում ուժեղ մցակցի հետ: Բայց ինձ համար սա ամենակարեւոր հանդիպումը չէ: Բոլոր հանդիպումներն են կարեւոր: «Լիվերպուլի» եւ «Չելսիի» նման թիմերի հետ մենք պայքարում ենք 6 միավորի համար: Կարեւոր է շարունակել խաղալ նախկինի նման: Արդյունքը կախված չի լինի նախորդ դերբիների հանդիպումներից: Մենք պետք է լավ խաղանք «Մանչեսթեր Յունայթեդի» դեմ:

Դավիդ Սիլվան ծնկահոդի վնասվածք ունի եւ բաց կթողնի երեք շաբաթ: Յայա Տուրեն թեթեւ խնդիր ունի, բայց կարծում եմ՝ նա կկարողանա խաղալ: Սիլվան կարեւոր ֆուտբոլիստ է, բայց մենք ունենք հավասարազոր փոխարինողներ»,- Մանուել Պելեգրինիի խոսքը մեջբերում է «Մանչեսթեր Սիթիի» կայքը:

Մանչեսթերյան դերբին տեղի կունենա նոյեմբերի 2-ին: Հանդիպումը կմեկնարկի Երեւանի ժամանակով 17:30-ին:

Հետևեք NEWS.am SPORT-ին Facebook-ում, Twitter և Telegram-ում