Դորտմունդի «Բորուսիայի» նախկին գլխավոր մարզիչ Օտմար Հիտցֆելդը վստահ է, որ ակումբը կնվաճի Չեմպիոնների լիգայի ուղեգիր: Մասնագետը աշխատել է նաեւ Մյունխենի «Բավարիայում» եւ Շվեյցարիայի հավաքականում:
«Ամենայն հավանականությամբ, «Բորուսիան» այլեւս չի պայքարի Գերմանիայի առաջնության չեմպիոնի կոչման համար: Սակայն վստահ եմ, որ Յուրգեն Կլոպի թիմը իրավունք կստանա խաղալ Չեմպիոնների լիգայում: Այժմ ֆուտբոլիստների մոտ կորել է հավատը սեփական ուժերի նկատմամբ: «Բորուսիան» ունի ներուժ իրավիճակը շտկելու համար»,- Հիտցֆելդի խոսքը փոխանցում է Բունդեսլիգայի կայքը:
Հետևեք NEWS.am SPORT-ին Facebook-ում, Twitter և Telegram-ում