Հայաստանի հավաքականի կիսապաշտպան Մարկոս Պիզելին 2 տարով երկարաձգել է ղազախական «Ակտոբեի» հետ գործող պայմանագիրը, հայտնում է ակումբի կայքը:
Վերջերս ֆուտբոլի Ղազախստանի չեմպիոնը ռուսական «Կրասնոդարից» գնել էր Պիզելիի տրանսֆերային իրավունքը: Մարկոսը 2014-ից է խաղում «Ակտոբեում», որի կազմում վերջին շրջանում աչքի է ընկնում արդյունավետ խաղով:
Հիշեցնենք, որ «Ակտոբեում» է հանդես գալիս նաեւ Հայաստանի հավաքականի պաշտպան Ռոբերտ Արզումանյանը, ով 2.5 տարվա պայմանագիր է կնքել Պերմի «Ամկարի» հետ եւ ձմռանը կտեղափոխվի ռուսական ակումբ:
Հետևեք NEWS.am SPORT-ին Facebook-ում, Twitter և Telegram-ում