Անգլիական Պրեմյեր լիգայի 9-րդ տուրում գործող չեմպիոն «Մանչեսթեր Սիթին» Լոնդոնում 1:2 հաշվով պարտվեց «Վեստ Հեմին»:
Առաջին խաղակեսում դաշտի տերերը բացեցին հաշիվը, իսկ 75-րդ րոպեին նաեւ կրկնապատկեցին հաշիվը, երբ աչքի ընկավ սենեգալցի հարձակվող Դիաֆրա Սախոն, ով գոլ խփեց Պրեմյեր լիգայի 6-րդ խաղում անընդմեջ: Քիչ անց իսպանացի Դավիդ Սիլվան, աչքի ընկնելով անհատական բարձր վարպետությամբ, գեղեցիկ գոլով կրճատեց հաշվի տարբերությունը, սակայն «Մանչեսթեր Սիթիին» չհաջողվեց անել ավելին:
Մանչեսթերցիները 17 միավորով մնացին երկրորդ տեղում, իսկ «Վեստ Հեմը» «Սաութհեմփթոնի» հետ 16 միավորով բաժանում է 3-4-րդ տեղերը:
Անգլիայի առաջնություն, 9-րդ տուր
«Վեստ Հեմ» - «Մանչեսթեր Սիթի»՝ 2:1
Մորգան Ամալֆիտանո, 21, Դիաֆրա Սախո, 75 – Դավիդ Սիլվա, 77
Հետևեք NEWS.am SPORT-ին Facebook-ում, Twitter և Telegram-ում