Էլ Կլասիկոյում կատալոնական «Բարսելոնայի» գլխավոր մարզիչ Լուիս Էնրիկեն խաղադաշտ դուրս կբերի երեք հարձակվողների՝ Լուիս Սուարեսին, Լիոնել Մեսիին եւ Նեյմարին, գրում է Goal.com-ը:
Հիշեցնենք, որ Սուարեսը որակազրկված էր 4 ամսով 2014թ աշխարհի առաջնության խմբային փուլի Իտալիայի հավաքականի հետ խաղում Ջորջիո Կյելինիի ուսը կծելու պատճառով: Հարձակվողն այդ ընթացքում կատալոնացիների եւ Ուրուգվայի հավաքականի կազմում մասնակցել է մի քանի ընկերական խաղերի եւ առաջին պաշտոնական հանդիպումը կանցկացնի «Բարսելոնայի» կազմում:
Իսպանիայի առաջնության 9-րդ տուրի «Ռեալ» - «Բարսելոնա» հանդիպումը կկայանա հոկտեմբերի 25-ին «Սանտյագո Բերնաբեու» ստադիոնում եւ կմեկնարկի Երեւանի ժամանակով 20:00-ին:
Հետևեք NEWS.am SPORT-ին Facebook-ում, Twitter և Telegram-ում