Գերմական Der Westen պարբերականը գնահատել է Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանի խաղը «Գալաթասարայի» դեմ Չեմպիոնների լիգայի երրորդ տուրի խաղում՝ տալով առավելագույն գնահատական:
«Թուրքական «Գալաթասարայի» նկատմամբ «Բորուսիայի» հաղթանակում մեծ ներդրում ունի նաեւ Հենրիխ Մխիթաթյանը, որը պարզապես փայլում էր Ստամբուլում: Նա կազմակերպեց առաջին երկու գոլային գրոհները, որոնք արդյունավետ եզրափակեց Օբամեյանգը: Մխիթարյանը կատարում էր մտածված փոխանցումներ, վերահսկում էր գնդակը, պրեսինգի էր ենթարկում մրցակցին»,- գրում է պարբերականը:
Հիշեցնենք, որ «Բորուսիան» Ստամբուլում հաղթանակ տարավ 4:0 հաշվով: Հենրիխ Մխիթարյանն անցկացրեց ամբողջ հանդիպումը:
Հետևեք NEWS.am SPORT-ին Facebook-ում, Twitter և Telegram-ում