Լոնդոնի «Չելսիի» բելգիացի կիսապաշտպան Էդեն Ազարը պատմել է, որ սլովենական «Մարիբորի» դեմ Չեմպիոնների լիգայի խմբային փուլի երրորդ տուրի խաղում կոտդիվուարցի հարձակվող Դիդյե Դրոգբան խնդրել է 11 մետրանոցն իրացնելու իրավունքն իրեն թողնել:
«Դիդյեն խնդրեց, որ թույլ տամ նա հարվածի: Դա նորմալ է, որ նա ցանկացավ դարձյալ գոլ խփել իր սիրելի ակումբի կազմում: Ես չէի կարող մերժել: Ժոզե Մոուրինյոն ինձ հետ չի խոսել այդ հարցով, սակայն կարծում եմ, որ իմ փոխարեն յուրաքանչյուրն էլ այդպես կվարվեր»,- Ազարի խոսքը փոխանցում է A Bola-ն:
Հիշեցնենք, որ «Չելսին» «Մարիբորին» հաղթեց 6:0 հաշվով, իսկ Ազարն ու փոխարինման դուրս եկած Դրոգբան խփեցին մեկական գոլ:
Հետևեք NEWS.am SPORT-ին Facebook-ում, Twitter և Telegram-ում