«Ռոստովն» ու Տուլայի «Արսենալը» խաղաղությամբ բաժանվեցին ֆուտբոլի Ռուսաստանի առաջնության 10-րդ տուրում: Խաղը կայացավ Տուլայում եւ ավարտվեց 1:1 հաշվով:
Ռուս Ալեքսանդր Բուխարովի գոլի շնորհիվ ռոստովցիներն ընդմիջման գնացին հաշվի մեջ առջեւում, սակայն երկրորդ խաղակեսում Արթուր Մալոյանը «Արսենալին» փրկեց պարտությունից: 25-ամյա հարձակվողը դաշտի տերերի մեկնարկային կազմում խաղաց առանց փոխարինման՝ խփելով առաջին գոլը Ռուսաստանի ընթացիկ առաջնությունում:
«Արսենալը» դեռ չի հաղթել Պրեմյեր լիգայում եւ 2 միավորով վերջին տեղում է:
Ռուսաստանի առաջնություն, 10-րդ տուր
«Արսենալ» - «Ռոստով»՝ 1:1
Արթուր Մալոյան, 57 – Ալեքսանդր Բուխարով, 33
Հետևեք NEWS.am SPORT-ին Facebook-ում, Twitter և Telegram-ում