Գերմանական Բունդեսլիգայի 8-րդ տուրում Դորտմունդի «Բորուսիան» հյուրընկալվելիս 1:2 հաշվով պարտվեց ուժեղագույնների լիգա վերադարձած «Քյոլնին»:
«Բորուսիայի» մեկնարկային կազմում խաղադաշտ էին դուրս եկել վնասվածքից ապաքինված Հենրիխ Մխիթարյանը, Մարկո Ռոյսը եւ Իլկայ Գյունդոգանը, սակայն առաջին խաղակեսից հետո «Քյոլնն» առջեւում էր հաշվի մեջ: Ընդմիջումից 3 րոպե անց իտալացի հարձակվող Չիրո Իմոբիլեն խփեց դորտմունդցիների պատասխան գոլը, իսկ 68-րդ րոպեին փոխարինվեց Հայաստանի հավաքականի կիսապաշտպան Մխիթարյանը: 75-րդ րոպեին «Քյոլնին» հաջողվեց խփել նաեւ հաղթական գոլը:
Առաջատար «Բավարիան» Մյունխենում 6 անպատասխան գնդակ ուղարկեց հետնապահ Բրեմենի «Վերդերի» դարպասը եւ հավաքեց 20 միավոր: Դորտմունդի «Բորուսիան» 7 միավորով նահանջեց 14-րդ տեղ:
Գերմանիայի առաջնություն, 8-րդ տուր
«Քյոլն» - «Բորուսիա Դ.»՝ 2:1
Կեւին Վոգ, 39, Սիմոն Զոլեր, 74 – Չիրո Իմոբիլե, 48
«Շտուտգարտ» - «Բայեր»՝ 3:3
Տիմո Վերներ, 57, Ֆլորիան Կլեին, 67, Մարտին Հարնիկ, 76 – Սոն Հյոն Մին, 4, 9, Քարիմ Բելարաբի, 41
«Մայնց» - «Աուգսբուրգ»՝ 2:1
Յոնաս Հոֆման, 20, Ջաիրո Սամպերիո, 23 – Տոբիաս Վերներ, 78
«Հանովեր» - «Բորուսիա Մ.»՝ 0:3
Մաքս Կրուզե, 14, 90, Գրանիտ Հակա, 49
«Ֆրայբուրգ» - «Վոլֆսբուրգ»՝ 1:2
Սեբաստիան Կերկ, 90+1 – Դանիել Կալիջուրի, 8, 66
«Բավարիա» - «Վերդեր»՝ 6:0
Ֆիլիպ Լամ, 20, 79, Խաբի Ալոնսո, 27, Թոմաս Մյուլեր, 43 (11մ.), Մարիո Գյոտցե, 45, 86
Հետևեք NEWS.am SPORT-ին Facebook-ում, Twitter և Telegram-ում