Բուլղարական «Լուդոգորեցի» դեմ Չեմպիոնների լիգայի խմբային մրցաշարի երկրորդ տուրից առաջ Սոֆիայում կայացած մամուլի ասուլիսում Մադրիդի «Ռեալի» գլխավոր մարզիչ Կարլո Անչելոտին դրվատանքի խոսքեր է ասել է թիմի պորտուգալացի հարձակվող Կրիշտիանու Ռոնալդուի մասին, հաղորդում է Goal.com-ը:
«Չեմ ցանկանում իմ նախկին եւ ներկա մյուս ֆուտբոլիստների նկատմամբ անհարգալից լինել, սակայն Ռոնալդուն լավագույնն է, ում հետ ես երբեւէ աշխատել եմ»,- նշել է Կարլո Անչելոտին:
Իտալացի մասնագետը հայտնել է, որ «Լուդոգորեցի» հետ խաղին պատրաստ է պորտուգալացի պաշտպան Պեպեն:
«Լուդոգորեց» - «Ռեալ» հանդիպումը տեղի կունենա հոկտեմբերի 1-ին եւ կմեկնարկի Երեւանի ժամանակով 22:45-ին:
Հետևեք NEWS.am SPORT-ին Facebook-ում, Twitter և Telegram-ում