Իրանական «Էսթեղլալի» եւ ֆուտբոլի Հայաստանի ազգային հավաքականի պաշտպան Հրայր Մկոյանը NEWS.am Sport-ի թղթակցի հետ զրույցում պատմել է Իրանի առաջնությունում ստացած վնասվածքի մասին:
«Վնասել եմ ծնկիս մկանային հատվածը: Բարեբախտաբար, մենիսկի խնդիր չկա: Բժիշկն ասաց, որ նախնական երկու շաբաթ է հարկավոր ապաքինվելու համար: Այսօր նոր սկսել եմ նորմալ քայլել: Մինչեւ այդ ցավեր ունեի եւ դժվարությամբ էի տեղաշարժվում: Ինձ կտրականապես արգելված է մարզվել առաջիկա երկու շաբաթների ընթացքում: Բժշկի խոսքով՝ մինչեւ վստահ չլինենք, որ վնասվածքը չի խորանա, չեմ մարզվի: Առաջիկա օրերին դարձյալ կհետազոտվեմ, ինչից հետո էլ պարզ կդառնա, թե երբ կկարողանամ մարզվել: Այժմ օրական երկու անգամ գնում եմ ֆիզիոթերապիայի կուրսերի»,- զրույցում հայտնեց Հրայր Մկոյանը:
Հիշեցնենք, որ հոկտեմբերի 11-ին Հայաստանի հավաքականը Երեւանում Եվրո-2016-ի ընտրական խաղ է անցկացնելու սերբերի հետ: Այդ հանդիպմանը չեն մասնակցելու նաեւ Մոսկվայի «Սպարտակի» հարձակվող Յուրա Մովսիսյանը եւ Դորտմունդի «Բորուսիայի» կիսապաշտպան Հենրիխ Մխիթարյանը, իսկ հունական «Օլիմպիակոսի» կիսապաշտպան Գեւորգ Ղազարյանի մասնակցությունը հարցականի տակ է:
Վերա Մարտիրոսյան
Հետևեք NEWS.am SPORT-ին Facebook-ում, Twitter և Telegram-ում
01:39 , 24 ապրիլի 
01:01 , 24 ապրիլի 
00:54 , 24 ապրիլի 
23:09 , 23 ապրիլի 
22:35 , 23 ապրիլի 
22:11 , 23 ապրիլի 
21:39 , 23 ապրիլի 
20:56 , 23 ապրիլի 
20:33 , 23 ապրիլի 
20:02 , 23 ապրիլի 
