Բունդեսլիգայի նորեկ «Պադերբորնի» գլխավոր մարզիչ Անդրե Բրայտենրայտերը խոսել է Մյունխենի «Բավարիայի» դեմ Գերմանիայի առաջնության 5-րդ տուրի խաղի մասին:
«Չենք եկել Մյունխեն, որպեսզի սելֆի անենք աշխարհի չեմպիոնների հետ: Կփորձենք ցուցադրել այն ամենը, ինչի ունակ ենք: Իմ տղաները պետք է հաճույք ստանան խաղից: Խաղալու ենք աշխարհի ուժեղագույն թիմի դեմ»,- մարզիչի խոսքը մեջբերում է «Բավարիայի» կայքը:
Հիշեցնենք, որ Բունդեսլիգայի չորրորդ տուրից հետո «Բավարիան» ու «Պադերբորնն» ունեն 8-ական միավոր եւ 4 առաջատարների թվում են:
Հետևեք NEWS.am SPORT-ին Facebook-ում, Twitter և Telegram-ում