«Մանչեսթեր Յունայթեդի» հոլանդացի գլխավոր մարզիչ Լուի վան Գալն այս շաբաթ կհանդիպի ակումբի գործադիր տնօրեն Էդ Վուդվորդի հետ եւ ձմեռային տրանսֆերային պատուհանի համար կխնդրի 50 միլիոն ֆունտ ստերլինգ, հաղորդում է Goal.com-ը: Վան Գալը կփորձի գնել կիսապաշտպան Քեւին Ստրոտմանին եւ ուժեղացնել պաշտպանությունը:
Նշվում է նաեւ, որ Վուդվորդն արդեն խոսել է «Մանչեսթեր Յունայթեդի» ղեկավարության հետ եւ հավաստիացրել, որ հունվարին ակումբը շատ չի ծախսի, քանի որ դա բացասական կազդի տարեկան բյուջեի վրա:
«Մանչեսթեր Յունայթեդն» Անգլիայի առաջնությունում այժմ 12-րդ տեղում է: Եվ պաշտպանությունը չուժեղացնելու դեպքում, ակումբին սպառնում է երկրորդ տարին անընդմեջ Չեմպիոնների լիգայից դուրս մնալը:
Հետևեք NEWS.am SPORT-ին Facebook-ում, Twitter և Telegram-ում