22:08  ,  21 սեպտեմբերի, 2014

Լեմպարդի ռեկորդն ու խոստովանությունը

«Մանչեսթեր Սիթիի» անգլիացի կիսապաշտպան Ֆրենկ Լեմպարդ, սեպտեմբերի 21-ին գրավելով Լոնդոնի «Չելսիի» դարպասը, դարձավ առաջին ֆուտբոլիստը, ով գոլ է խփել Անգլիայի առաջնությանը մասնակցած 39 տարբեր ակումբների:

«Չելսիի» դեմ խաղից հետո 36-ամյա Լեմպարդը խոստովանել է, որ չէր ցանկանա այսպես հրաժեշտ տալ իր նախկին ակումբի երկրպագուներին:

«Դա ծանր է, սակայն ես պրոֆեսիոնալ չէի լինի, եթե չկատարեի իմ աշխատանքը: Այնպես որ ունեմ խառնված զգացմունքներ: Չէի ակնկալում, որ գոլ կխփեմ հենց այս խաղում: Հաճելի է, որ գոլս միավոր պարգեւեց թիմին: Լսում էի, թե ինչպես են «Չելսիի» երկրպագուները վանկարկում անունս: Դա շատ հուզական պահ էր: Ես այսպես չէի ծրագրել հրաժեշտ տալ «Չելսիի» ֆանատներին: Երբ արթնացա այսօր առավոտյան, չգիտեի, թե ինչպիսին կցանկանայի տեսնել օրս: Կարծում եմ՝ այն անցավ ոչ միարժեքությամբ»,- Լեմպարդի խոսքը փոխանցում է Sky Sports-ը:

Հիշեցնենք, որ «Չելսիի» դեմ խաղում Լեմպարդը դուրս եկավ փոխարինման՝ 85-րդ րոպեին խփելով «Մանչեսթեր Սիթիի» պատասխան գոլն ու փրկելով պարտությունից դաշտի տերերին: Անգլիայի հավաքականի նախկին կիսապաշտպանը 14 տարի խաղացել է «Չելսիում»:

Հետևեք NEWS.am SPORT-ին Facebook-ում, Twitter և Telegram-ում