Դատարանը բավարարել է Մադրիդի «Ռեալի» հայցը կատալոնական TV3 հեռուստաալիքի դեմ, որը տեսահոլովակում Արքայական ակումբի ֆուտբոլիստներին համեմատել էր բորենիների հետ: Տեսահոլովակը եթերում ցուցադրվել էր 2013թ. փետրվարի 13-ին: Հաղորդավարների կարծիքով, «Ռեալի» ֆուտբոլիստները «Բարսելոնայի» խաղացողների դեմ գործում են բորենու նման:
Դատարանը հաղորդավարներին եւ հեռուստաընկերությանը տուգանել է 20 հազար եվրոյով եւ պարտավորեցրել է վճարել ազգային տարածում ունեցող երկու տպագորի պարբերականների դատարանի որոշումը հրապարակելու համար, հաղորդում է «Ռեալի» կայքը:
«Ռեալը» բարոյական վնասի համար պահանջում էր 6 միլիոն եվրո: Հեռուստաընկերությունը ներողություն էր խնդրել մադրիդյան ակումբի բողոքից հետո:
Հետևեք NEWS.am SPORT-ին Facebook-ում, Twitter և Telegram-ում