Մյունխենի «Բավարիայի» հոլանդացի կիսապաշտպան Արյեն Ռոբենը կմասնակցի «Համբուրգի» դեմ Գերմանիայի առաջնության չորրորդ տուրի հանդիպմանը: Այդ մասին հայտնել է Գերմանիայի չեմպիոնների իսպանացի գլխավոր մարզիչ Խոսեպ Գվարդիոլան:
«Միշտ բարդ է խաղալ Չեմպիոնների լիգայի հանդիպումից հետո: Վերականգնվելու համար քիչ ժամանակ է լինում: Ռոբենը լավ է մարզվել: Նա կկարողանա մասնակցել առաջիկա մի քանի հանդիպումներին անընդմեջ:
Բարդ է կանխատեսել, թե ինչ մարտավարական դասավորություն կընտրի «Համբուրգի» մարզչական շտաբը եւ ինչ համակարգով կդիմակայի մրցակիցը»,- Խոսեպ Գվարդիոլայի խոսքը մեջբերում է Բունդեսլիգայի կայքը:
«Բավարիա» - «Համբուրգ» հանդիպումը տեղի կունենա սեպտեմբերի 20-ին եւ կմեկնարկի Երեւանի ժամանակով 17:30-ին:
Հետևեք NEWS.am SPORT-ին Facebook-ում, Twitter և Telegram-ում