Մադրիդի «Ռեալի» եւ Ֆրանսիայի հավաքականի պաշտպան Ռաֆայել Վարանը երկարաձգել է պայմանագիրն Արքայական ակումբի հետ, հաղորդում է մադրիդցիների պաշտոնական կայքը։
21-ամյա ֆուտբոլիստի հետ նոր պայմանագիրը նախատեսված է մինչեւ 2020 թվականը։ Նախորդ պայմանագիրն ավարտվում էր 2017-ին։
Հիշեցնենք, որ պաշտպանն ընդգրկվել է Բրազիլիայում կայացած աշխարհի առաջնության լավագույն երիտասարդ ֆուտբոլիստների եռյակում։
Ավելի վաղ հաղորդվում էր, որ ֆրանսիացու ծառայություններով հետաքրքրվում են Լոնդոնի «Չելսին» եւ Մյունխենի «Բավարիան»։
Հետևեք NEWS.am SPORT-ին Facebook-ում, Twitter և Telegram-ում