Հռոմում սեպտեմբերի 6-ին վիրահատված Արաս Օզբիլիսը սկսել է քայլել։ Այդ մասին ֆեյսբուքյան էջում հայտնել է Մոսկվայի «Սպարտակի» եւ Հայաստանի հավաքականի կիսապաշտպանը։
«Առաջին քայլերս վիրահատությունից հետո։ Ցավում է, սակայն դա ունի իր արժեքը։ Յուրաքանչյուր օր ավելի եմ մոտենում նպատակիս»,- ասել է 24-ամյա ֆուտբոլիստը։
Հիշեցնենք, որ դա Արասի ծնկի երկրորդ վիրահատությունն էր: Նա վնասվածք էր ստացել մայիսի 31-ին կայացած Ալժիրի հավաքականի հետ ընկերական խաղում։
Հետևեք NEWS.am SPORT-ին Facebook-ում, Twitter և Telegram-ում